राष्ट्रिय

नेकपाका महासचिव विप्लवमाथि जारी भएको पक्राउ पुर्जी खारेज गर्न माग 

रेडियो लुम्बिनी

बुधबार श्रावण १८, २०७९/ Wednesday 08-03-22

साउन १८, काठमाण्डौ 
राजनीतिक दलका नेताहरूले नेकपाका महासचिव विप्लवमाथि जारी भएको पक्राउ पुर्जी खारेज गर्न माग गरेका छन् ।

नेकपा माओवादी केन्द्रका नेता नारायणकाजी श्रेष्ठले सामाजिक सञ्जाल मार्फत यसबारेमा सरकारले अविलम्ब आवश्यक कदम चाल्नुपर्नेमा जोड दिनुभयो । जारी गरिएको पक्राउ पुर्जीका बारेमा नियमित अदालती प्रक्रिया भनेर पन्छिन नमिल्ने उहाँको भनाइ छ ।

यसबारेमा संसदमा पनि विषय उठेको छ । प्रतिनिधिसभा बैठकमा धारणा राख्दै एमाले प्रमुख सचेतक बिशाल भट्राइले पनि विप्लबमाथी जारी गरिएको प्रक्राउ पुर्जि हटाउन आग्रह गर्नुभयो ।

यस्तै माओवादी केन्द्रका नेता यसोदा सुवेदी गुरुङले पनि यसअघिको सहमति अनुसार काम हुनुको साटो नेकपाका नेता विप्लबमाथी जारी गरिएको प्रक्राउपुर्जी हटाउनुपर्ने धारणा राख्नुभयो ।