लुम्बिनीका मुख्यमन्त्री डिल्लीबहादुर चौधरीले आज विश्वासको मत लिनुहुदै,
२०८० बैशाख १९
लुम्बिनी प्रदेशका मुख्यमन्त्री डिल्लीबहादुर चौधरीले मंगलबार विश्वासको मत लिँदै हुनुहुन्छ । आज मंगलबार बिहान ११ बजे बस्ने प्रदेश सभाको बैठकबाट नवनियुक्त मुख्यमन्त्री चौधरीले विश्वासको मत लिन लाग्नु भएको हो ।
वैशाख १४ गते ८ दल र एक स्वतन्त्र गरी ५३ प्रदेशसभा सदस्यको समर्थनमा नेपाली कांग्रेसका चौधरी मुख्यमन्त्रीमा नियुक्त हुनुभएको थियो । चौधरी नेतृत्व सरकारमा माओवादी केन्द्रका धनबहादुर मास्की, नागरिक उन्मुक्ति पार्टीका धर्म चौधरी र जनता समाजवादीका सन्तोष पान्डे बिना विभागीय मन्त्री बन्नु भएको छ ।
केन्द्रको नयाँ समीकरणसँगै मुख्यमन्त्री नियुक्त हुनु भएका चौधरीको पक्षमा सहजै विश्वासको मत पर्ने सम्भावना छ । ८७ सदस्यीय प्रदेशसभामा मुख्यमन्त्रीले ४४ मत प्राप्त गर्नुपर्छ। उनको पक्षमा कांग्रेसका २७, माओवादीका १०, नागरिक उन्मुक्ति पार्टीका ४, जसपा, जनमत पार्टी र लोसपाका ३–३ जना सांसद छन्। यस्तै राष्ट्रिय जनमोर्चा र एकीकृत समाजवादीका एक–एक तथा स्वतन्त्र एक सांसदसहित ५३ सांसदको समर्थन हुने भएको छ । लुम्बिनी प्रदेश सभामा एमालेका २९ सांसद छन् ।
2026-01-13-12-03-22.jpeg)
.2026-07-23-06-54-56.jpeg)
तपाईको प्रतिक्रिया