लामो दुरीको गाडी भाडा घटे पनि छोटो दुरीको भाडा घटेन
जेठ ४, काठमाडौं
डिजेलको मूल्य लिटरमा १० रुपैयाँ घटेसँगै सरकारले लामो दुरीको गाडी भाडा घटाए पनि छोटो दुरीको भाडा घटाएको छैन । इन्धनको मूल्य घटबढ भएसँगै भाडा दर पनि तय गर्ने भनिए पनि इन्धनको मूल्य बढ्दा बढिहाल्ने भाडा घट्दा भने घट्ने गरेको छैन ।
देशभर दैनिक गुड्ने ४९ लाख सवारीसाधनमध्ये ३ प्रतिशत भाडाका गाडी छन् । ती गाडीको भाडा सरकारले निर्धारण गर्छ । यसरी भाडादर निर्धारण गर्दा इन्धनको मूल्यलाई ३५ प्रतिशत र बाँकी ६५ प्रतिशत, गाडीको मूल्य, ल्युब्रिकेन्टको मूल्य, ब्याजदरलगायतलाई आधार मान्ने गरिन्छ । डिजेलको मूल्य घटेसँगै यातायात व्यवस्था विभागले यात्रुवाहक गाडीको भाडा ३ दशमलव २० तथा मालबाहक गाडीको पहाडमा ४ दमशलव १९ र तराइमा ४ दशमलव ६५ प्रतिशत भाडा घटाएको छ । तर यो भाडा दर लामो दुरीमा मात्र लागु भएको छ ।
प्रदेशभित्रको भाडादर विभागले घटाएर नहुने र यसका लागि सातै प्रदेश सरकारले भाडा समायोजनको छुट्टै निर्णय गर्नुपर्ने विभागका महानिर्देशक नारायणप्रसाद भट्टराईले जानकारी दिनुभयो । प्रदेश सरकार भने यातायात व्यवसायीकै पक्षमा देखिएका छन् । गण्डकी प्रदेश सरकारले तत्काल भाडा नघटाउने निर्णय गरेको छ भने बागमती प्रदेश सरकारले छलफल गरेर निर्णय गर्ने जनाएको छ ।
स्वचालित भाडादर भनिए पछि इन्धनको मूल्यमा हुने घटबढका आधारमा भाडादर पनि स्वतः घटबढ हुनुपर्ने हो । तर, थरिथरिका व्याख्या गर्दै बढाइएको भाडा नघटाउने चलन वर्षौँदेखि चलिरहेको छ ।
2026-01-13-12-03-22.jpeg)
.2026-07-23-06-54-56.jpeg)
तपाईको प्रतिक्रिया